Ahmeti Danielsson-it: BDI siguroi garanca për punën e PSP-së

Së fundmi, vizitave të shumëta të përfaqësuesve evropian në Maqedoni, u shtohet edhe Christian Danielsson, drejtor i Drejtorisë për zgjerim në Komisionin Evropian (KE), transmeton Telegrafi Maqedoni.

Sipas paralajmërimeve, Danielsson do të takohet me liderët e katër partive politike në vend, të cilëve do t’ua transmetojë porositë se e ardhmja evropiane kërkon përgjegjësi nga vendet aspiruese për anëtarësim në BE.

Poashtu, kryetari i Bashkimit Demokratik për Integrim, Ali Ahmeti ka realizuar sot një takim pune në selinë e Bashkimit Evropian në Shkup me Christian Denielsson, drejtor i Drejtorisë për Zgjerim pranë BE-së si dhe ambasadorin evropian në Maqedoni Aivo Orav.

Ahmeti dhe drejtori Denielson, shkëmbyen përshtypjet rreth zhvillimeve të fundit, zbatimin e marrëveshjes së Shkupit si dhe reformat.

Danielson theksoi vlerësimin e Brukselit për kontributin e Ahmetit në këto kohëra të vështira me krizë të rëndë politike.

Lideri i BDI-së Ahmeti theksoi që BDI u angazhua që urgjentisht të rikthehet parlamenti, të anulohen zgjedhjet, të ndryshojmë ligjin për falje si dhe të sigurojmë garanca për punën e Prokurorisë speciale.

Në vijim të hapave urgjent, BDI do të angazhohet fuqishëm për zbatim të reformave që rrjedhin si obligim nga partneriteti jonë EuroAtlantik dhe puna jonë le të vlerësohet nga veprat.

BDI angazhohet me bindje të plotë për agjendën reformuese në përputhje me aspiratat tona EuroAtlantike dhe pritshmërive të miqve tanë në Bruksel dhe Washington.

Kjo agjendë duhet të jetë gjithëpërfshirëse dhe të fiton përkrahjen e gjithë shoqërisë në mënyrë që vendi të pregaditet për zgjedhje të besueshme. /Telegrafi/