Agon Amiga flet rreth projekteve të reja: Dueti me Cozman vjen brenda pak ditësh, pas tij bashkëpunimi me Teuta Selimin

Reperët e njohur të labelit ‘Babastars’, Agon Amiga dhe Cozman janë bërë bashkë për projektin e tyre të radhës.

“Prej Tirone” titullohet kënga e tyre më e re, e cila do të jetë e gatshme për publikun brenda pak ditësh.

Lexo po ashtu Të gjitha lajmet nga Estrada Shqiptare

Në një bisedë për Telegrafin, ka qenë Agon Amiga ai i cili ka shpalosur ekskluzivisht detajet e këtij bashkëpunimi.

“Pas suksesit të këngës “Shih ti kishe”, vendosëm të realizojmë edhe disa këngë në bashkëpunim, dhe të dy jemi përshtatur shumë mirë në këngën e re “Prej Tirone”, dhe besoj shumë në këtë projekt që do të jetë i suksesshëm dhe do iu pëlqejë publikut”, ka thënë Agon Amiga për Telegrafin.

Ditë më parë kanë përfunduar edhe xhirimet e klipit, të cilat janë kryer jashtë vendit, dhe do t’i sjellin reperët pritet të vijnë mjaft me stil në videon e re.

“Xhirimet janë bërë në Gjermani dhe Kosovë nga dy produksione të ndryshme, High Entertainment dhe XL Films. Besoj se do dalë diçka interesant”, ka treguar më tej reperi Amiga.

Përveç këtij bashkëpunimi, reperi Agon Amiga së shpejti do të sjellë edhe një bashkëpunim tjetër me këngëtaren Teuta Selimi. Në përfundim të bisedës, reperi shpalosi disa detaje edhe për këtë bashkëpunim.

“Po, edhe me Teuta Selimin shpresoj që të arrijmë ta publikojmë bashkëpunimin në fillim të prillit sipas parashikimeve, por do ketë edhe bashkëpunime tjera”, ka përfunduar Agon Amiga për Telegrafin.

Bashkëpunimi “Prej Tirone” pritet të publikohet javën e ardhshme. /Telegrafi/

https://www.instagram.com/p/BgmIy46gw6q