Agjenti zbulon se Van de Beek kishte marrëveshje me Real Madridin para pandemisë

Agjenti i mesfushorit Donny van de Beek, Sjaak Sëart pretendon se lojtari i ri i Manchester Unitedit kishte një marrëveshje për t’u bashkuar me Real Madridin përpara pandemisë Covid-19.

Kishte pasur raporte të përhapura në lajmet e transferimeve të Real Madridit këtë vit që holandezi kishte një marrëveshje për t’u bashkuar me Los Blancos dhe do të përfundonte një marrëveshje këtë verë.

Sidoqoftë, shpërthimi i Covid-19 ndryshoi fytyrën e tregut të transferimeve me pasojat financiare që goditën Real Madridin, pasi klubi nuk ka gjasa të bëjë investime të mëdha këtë verë.

Lexo po ashtu Fjalët e para të Van De Beek si lojtar i Manchester Unitedit

Van de Beek më pas është bashkuar me Manchester Unitedin, por agjenti i tij Sjaak Swart ka folur për marrëveshjen me Real Madridin.

“Kishte shumë klube të interesuara për Van de Beek. Ishte Real Madridi, Barça, Juve, Arsenal…”.

“Në mars gjithçka ishte gati që ai të shkonte në Real Madrid, por me pandeminë gjithçka u shty. Klubet nuk kanë të ardhura. E gjithë skena ndryshoi”, ka thënë Swart për Marca.

Lexo po ashtu Formacioni i mundshëm i Manchester Unitedit pas transferimit të Van De Beek

Mesfushori 23-vjeçar ishte një nga yjet në sezonin 2018/19 pasi Ajax tronditi Evropën duke shkuar deri në gjysmëfinale të Ligës së Kampionëve.

Sidoqoftë, ndryshe nga shokët e skuadrës dhe bashkëvendësit e tij Frenkie de Jong dhe Matthijs de Ligt, ai në fund të fundit mbeti te Ajaxi për sezonin 2019/20 dhe mbeti një pjesë integrale e skuadrës së tyre para kalimit të tij në United. /Telegrafi/