Adil Rami: Messi tani është më i lehtë për t’u ndalur

Lionel Messi u transferuar në verë te Paris Saint Germain dhe tani është radha e mbrojtësve të Ligue 1 të ‘terrorizohen’ nga argjentinasi, por Adil Rami beson se detyra e ndalimit të legjendës së Barcelonës nuk është aq e vështirë në krahasim me vitet e mëparshme.

Adil Rami tani luan me klubin Troyes dhe rregullisht ka luajtur kundër Messit gjatë kohës së tij me Valencian Sevillan, por kurrë nuk ishte në anën fituese në 12 takime kundër gjashtë herë fituesit të Topit të Artë.

Por, Rami beson se stili i lojës së Messit ka ndryshuar, duke e bërë më të lehtë mbrojtjen kundër 34-vjeçarit argjentinas.

“Sigurisht, unë kurrë nuk fitova, por pati barazime dhe mora katër ose pesë fanella nga ai”, ka thënë fillimisht Rami duke qeshur për faqen zyrtare të Ligue 1.

“Ai ishte shumë i fortë, atëherë ishte gjithmonë pas shpinës sime. Ai ishte jashtë loje nganjëherë, por shpejt kthehej në lojë dhe më pas driblonte e pasonte”.

“Tani ai është më shumë një pasues, kështu që është më e lehtë për mbrojtësit pasi mund të presim”.

Lexo po ashtu Messi: Nuk kam bërë asnjë gabim që u transferova te PSG

“Unë nuk mendoj se ai është në gjendje të bëjë lëvizjet e tij të sllallomit aq shumë si në të kaluarën”, përfundoi mbrojtësi francez.

Messi ende nuk e ka ndezur futbollin francez këtë sezon pasi nuk arriti të shënojë në tre paraqitjet e tij të para në Ligue 1 për PSG-në, por e gjeti rrjetën me një goditje të mrekullueshme në fitoren 2-0 kundër Manchester Cityt në Ligën e Kampionëve. /Telegrafi/