Action Bronson i thotë në sy Rita Orës: Do të bëja “fli” për ty (Video)

Sa të mrekullueshëm! Eshtë e domodoshme të fillohet një raport kur sheh dy shqiptarë shumë të suksesshëm në arenën ndërkombëtare dhe që madje edhe flasin për Shqipërinë.

Gjatë një interviste në radion Hot 97, radion më të dëgjuar në Amerikë për Rosenbergun, Action Bronson dhe Rita Ora janë pyetur kryesisht për prejardhjen e tyre.

Në pyetjet e para Action Bronson, reperi që po krahasohet si talenti më i madh i kohës, thotë se në Neë York ka shqiptarë të çmendur.

Por, Rita e pyetur nëse do të dëshironte të bënte fëmijë shqiptarë me Action Bronson, tha me shaka se natyrisht se do të bënte për shkak të “ngjyrës së flokëve” të tij.

Rita e vazhdoi intervistën duke folur për faktin se në Britani nuk guxon të dalë në rrugë pa përcjellje për shkak të fansave, teksa e njëjta gjë tha se ndodh edhe kur ajo qëndron në Kosovë, transmeton Telegrafi.

Dhe në pyetjen më interesante, Rosenberg e pyeti reperin shqiptar se çka do të gatuante për Rita Orën pasi njihet edhe si kuzhinier i mirë.

“Duhet të bëj diçka nga vendlindja. Patjetër se duhet të bëj diçka nga vendlindja”, e fillon përgjigjen Action Bronson, pasi ndërhyrhet nga Rita Ora: “Pite më pëlqen edhe fli…”.

Bronson vazhdon duke thënë se ai patjetër se do të bënte edhe fli për Rita Orën, teksa Ritës i pëlqeu ideja. Bronson më tej spjegon se flija është një prej specialiteteve më teknike për një kuzhinier, teksa Rita konfirmon se është një specialitet jashtëzakonisht i shijshëm.

Në fund Rita Ora në pyetjen se nëse do të bashkpunonte me Action Bronson, pranoi se madje ka folur edhe me producentin Mark Ronson për këtë dhe natyrisht se do ta realizonte një duet në të ardhmen.

Action Bronson lansoi ditë më parë albumin “Mr. Wonderful”, ku ka shumë elemente shqiptarë. Për këtë album ai është konsideruar si “Zoti i ri i repit”, pas Eminemit.

Shikoni nga minuta 18:00: