Abuzimi televiziv e politik, po vret kulturën e të dëgjuarit dhe të fjalës së urtë e të vërtetë!

Ka nisur prej ditësh fyerja, poshtërimi dhe bulizmi mes politikanëve, por rëndon ata apo popullin e thjeshtë? Sigurisht kjo e fundit i vuan pasojat, sepse ata edhe kur bulizojnë njëri-tjetrin kanë një qëllim pas kuintave. Një as nën mënge e ruajnë gjithnjë.

A ngjajnë bulizmi politik me atë në televizione, apo janë në shërbim të dhunës të dyja kohët e fundit?

Bulizmi është një dhunë psikologjike ose fizike e ushtruar vazhdimisht nga një grup individësh kundrejt një individi tjetër ose një person i vetëm bulizon vazhdimisht. Kolegët, ortakët, gazetarët, partnerët me shprehjet ti nuk di ‘asgjë’ ti je ‘kazan’, por fitimet e plehrava i përfitoj unë pa kazanin. Ti je i paditur. I korruptuar, i ke bërë dëm vendit etj.

Dhuna është një shkelje e të drejtave të njeriut që shoqërohet me probleme shëndeti, por kur ai është në nivele shtetërore, shkakton edhe dëme ekonomike dhe ajo kultivohet nga lart poshtë në mënyrë sistematike.

Asnjë shtet nuk mund të arrijë një edukim cilësor, të fëmijëve, adoleshentëve ose të rinjve në një rrafsh gjithëpërfshirës dhe të barabartë, nëse kryetarët e shtetit, të opozitës dhe pushtetit vendor e zhvillojnë dhunën në mënyrë të përhershme në televizion dhe rrjete sociale.

Bulizmi dhe abuzimi ngjajnë shumë e janë të përhapura tej normave të lejuara shoqërore vitet e fundit, nuk dëgjon te asnjë politikan projekte për të papunët, të varfrit, hapjen e vendeve të punës, zhvillimin e projekteve arsimore, kulturore apo sportive për të rinjtë që t’i largohen dhunës, duhanit, drogës e ikjeve masive nga vendi.

Por, në çdo dalje televizive bulizojnë njëri-tjetrin me termat: hajdut, kastravec, shalqi me provë ose pa provë.

Kujdesi duhet të fillojë që në kopsht, të shtrihet në shkollat fillore dhe ato nëntëvjeçare me një program të detajuar me projekte nga shoqatat ose shteti me një grup profesionistësh, sepse parandalimi është më i lehtë se shërimi e jo të shtrihet në të gjitha sferat e shoqërisë, kryesisht nga kupola shtetërore kur në thelb ata duhet të iniciojnë projekte kundër dhunës e të bulizuarit në grup e jo zhvillimi i saj të marrë udhë pikërisht nga vetë ata?!

Bulizmi është një dëshirë për të dëmtuar tjetrin, dëshirë që personit i jep krenari, një veprim që lëndon, një disbalancë në forcë, një përdorim i padrejtë i forcës, kënaqësi e dukshme e agresorit si dhe një ndjenjë e përgjithshme e të qënit mbizotërus ndaj viktimës… A nuk e keni parë shumë shpesh te politika e politikanët tanë këto kohë, a nuk e kemi parë çdo natë në studiot televizive agresionin e hapur në emër të të berit debat televiziv, por ajo nuk është gjë tjetër veçse një bulizëm i hapur ku i madh e i vogël i mëshiron ata analistë, por në fakt edhe ndiqen si modele.

‘Bullying’ i shqipëruar do të thotë “kërcënim” dhe tregon fenomenin e sjelljeve të përsëritura, agresive, të dhunshme me karakter psikologjik, fizik, që iu bëhet fëmijëve, adoleshentëve të pambrojtur e të vetmuar, por nuk përjashtohen as të rriturit që bulohen ose i bulojnë të tjerët, si p.sh. një individ ose grup individësh më të mëdhenj të cilët kërkojnë të diskriminojnë, keqtrajtojnë apo abuzojnë.

Këtë nocion e kemi dëgjuar shpesh në shkolla, por sot mbizotëron pothuajse në shumë emisione televizive dhe jetën politike shqiptare; a nuk keni parë formate ku ka degjenerim të vlerave, në emër të ‘lirisë së shprehjes’, a nuk shohim thyerje pjatash dhe bulizëm me termat: qorre, debile, i paaftë, mediokër, tutkun…

Këta individë agresivë kryejnë bulizëm ndaj ‘viktimave’ të tyre duke shfrytëzuar formatin ose edhe një panel në një studio televizive, luajnë me pamjen e jashtme, statusin social, përkatësitë racore ose dhe atë fetare.

Bulizmi shfaqet me karaktere dhe me forma të ndryshme:

– Bulizmi fizik: Abuzim me anë të dhunës së përsëritur të çdo forme!

– Bulizmi psikologjik verbal: Me anë të fyerjes, nofkave, thashethemeve dashakeqe, shpifjeve…

– Bulizmi social: Ky në rrjetet sociale ka arritur kulmin e tij, me fyerje kryesisht me adresa false dhe tituj bombastikë në emër të klikimeve e fitimeve në kurriz të të tjerëve duke i bulizuar dhe fyer ata ose ato!

– Bulizmi seksual: Është ai verbal me anë të fjalëve fyese, provokuese, por edhe fizike me ngacmime seksuale.

– Bulizmi virtual: Me anë të rrjeteve, nga keqpërdorimi i tyre për të dëmtuar ‘viktimën’ me postimin e fakteve videove të bëra në momente dobësie, ose nën dhunë, apo thjesht shpifjeve publike.

– Bulizmi racial: Nëpërmjet fyerjes dhe dhunës ndaj racës.

– Bulizmi detar: Duke diskriminuar dhe fyer fenë apo duke e përdorur pafund një person në emër të fesë deri në vetflijim të personit apo kthimin e tij ne kamikaz.

– Bulizmi krahinor: Kur ka fyerje e nofka në emër të krahinës nga vjen.

– Bulizmi televiziv: Prej disa vitesh në emër të audiencës është shtuar ndjeshëm dhe dukshëm bulizmi në shumë emisione apo formate sezonale në emër të rritje