Abrashi i LVV-së i drejtohet AAK-së: Ende vlen oferta t’ju sjellim dy aktivistë që ju trajnojnë për aksione

Në seancën e jashtëzakonshme që është duke u mbajtur në Kuvendin e Kosovës, kundër heqjes së taksës 100 për qind, nuk kanë munguar as aksionet nga deputetët e Aleancës për Ardhmërinë e Kosovës. Mirëpo, aksionet e shfaqura nga AAK nuk iu kanë pëlqyer deputetëve të Lëvizjes Vetëvendosje.

Për këtë, deputeti i LVV-së, Artan Abrashi i ka bërë edhe një propozim AAK-së, lidhur me aksionet.

“Ende qëndron oferta e LVV-së, që të ju sjellim dy aktivistë të përgatitur për më iu trajnu për aksione simbolike, sepse kështu është shumë e pahijshme me lanë një mesazh politik, kaq të çrregulluar , kaq të pa ngjitur mirë, ku humb komplet idea. Në anën tjetër parulla për mbi parullë asnjëherë nuk ngjitet, këtë është dashtë ta dini. Jemi të gatshëm, e kemi vullnetin e mirë që trashëgimia jonë të mos shuhet por definitivisht nuk do të lejojmë që ajo të bastardohet”, ka deklaruar Abrashi, përcjell Telegrafi.

Lexo po ashtu Deputetët e AAK-së aksion kundër heqjes së taksës, vendosin në Kuvend pankarta me mbishkrim "Serbia nuk kalon"

Ndryshe, deputetët e AAK-së, kanë vendosur në sallën e Kuvendit, pankarta ku shkruan “Serbia nuk kalon” dhe “Ku është kërkim falja, ku janë të pagjeturit”. /Telegrafi/