Abazoviq tregon se çka bisedoi me Escobarin: Kryefjala, lufta kundër korrupsionit

Zëvendëskryeministri i Malit të Zi, Dritan Abazoviq tha pas bisedimeve me Zëvendës Ndihmës Sekretarin e Shtetit për Çështjet Evropiane dhe Euroaziatike, Gabriel Escobar se Mali i Zi kishte “mbështetje të madhe nga administrata e SHBA-së për sektorin e sigurisë në operacionet më komplekse”.

Abazoviq thotë se vizita e Escobarit në Mal të Zi, e cila përfundon sot, i kushtohet kryesisht luftës kundër korrupsionit.

Lexo po ashtu Escobar: SHBA-ja qëndron pranë atyre që mbështesin një Mal të Zi sovran

“Ajo që pretendojmë është vërtetuar. Unë mendoj se është e qartë për të gjithë tani. Ka filluar”, ka shkruar Abazoviq në Twitter.

Në ditën e parë të vizitës, Escobar është takuar me presidentin Milo Gjukanoviq gjersa dje me kryeministrin dhe kryetarin e Kuvendit, Zdravko Krivokapiq, gjegjësisht Aleks Beçiq, si dhe me përfaqësues të shoqërisë civile.

Ndryshe, Escobar gjatë ditëve të kaluar ka qëndruar edhe në Bosnje-Hercegovinë, ku ka takuar disa lider shtetëror gjersa ka refuzuar ta takojë politikanin serb, Milorad Dodik. /Telegrafi/

Veliko prizanje 🇲🇪🤝🏻🇺🇲

Posjeta g. Eskobara dominantno posvećena borbi protiv korupcije.

Imamo ogromnu podršku američke administracije za rad bezbjedosnog sektora u najsloženijim operacijama.

Dokazano je ono što tvrdimo. Valjda je to sad svima jasno.

Počelo je… pic.twitter.com/pCARVRWiKp

— Dr Dritan Abazovic (@DritanAbazovic) November 12, 2021