Abazoviq pret që shumë shpejt të bëhet kryeministër i Malit të Zi

SDP do të jetë pjesë e qeverisë së pakicës, por nuk është e sigurt për SD-në, tha mandatari për krijimin e qeverisë së re të Malit të Zi, Dritan Abazoviq.

Ai pret që kërkesa për caktimin e Kuvendit të dërgohet shumë shpejt dhe prej saj të na ndajnë ditë e ndoshta orë. Ai theksoi se Kuvendi nuk është pronë parësore e askujt dhe nëse 41 deputetë e më shumë duan të caktojnë seancë, kjo do të ndodhë.

“Unë mendoj se jemi vërtet një hap larg formimit të qeverisë. SDP do të jetë pjesë e saj. Mendoj se të gjithë duhet të heqim dorë nga kërkesat maksimale. Nuk jam i sigurt për SD dhe kjo është e panjohura e fundit. Do të përpiqemi të gjejmë zgjidhje edhe për këtë”, tha ai.

Lexo po ashtu Abazoviq flet për raportet me Kurtin dhe çështjen e demarkacionit: Nuk ka pyetje që s’do ta qesim në tavolinë

Ai tha se do të ishte mirë që të gjithë të votonin, “Unë pres që të gjithë të jenë fleksibël”.

Abazoviq deklaroi se pret mbështetjen e 49 deputetëve të Kuvendit të Malit të Zi, raporton rtcg.

Ndryshe, kryeministri në largim, Zdravko Krivokapiq muaj më parë është shkarkuar pas një vote mobesimi ndaj qeverisë. /Telegrafi/