A ka diçka që femrat nuk përdorin për t’u dukur bukur?

Kremi kundër hemorroideve për nënsytë, llak për flokë për fiksimin e makijazhit, apo pasta për zbardhimin e dhëmbëve për largimin e nxirjes së rrejshme...- nuk kanë fund bizaritetet që femrat i përdorin për t’u dukur bukur.

Vendosja e lugëve të ftohta të çajit në sytë e ënjtur dhe fjetja në shpinë në mënyrë që të pengohet shfaqja e rrudhave, janë tjera akte të gjinisë së bukur.

Është treguar se çdo e katërta femër përdor gjëra dhe ushqim nga kuzhina në mënyra të çuditshme, në mënyrë që të duket bukur. Në maje të listët gjenden trangujt e ngrirë për qetësimin e tenit, limoni për zbardhimin e thonjve dhe çeljen e flokëve. Dredhëzat përdoren për zbardhjen e dhëmbëve, ndërsa qeskat e ngrira të çajit për qetësimin e lëkurës.

Pjesëtaret e gjinisë së bukur, krahas preparateve kozmetike pafund, shpesh iu nënshtrohen edhe ritualeve të cilat i kanë bërë të afërmet e tyre, shoqet apo koleget e punës.

Disa nga veprimet e reja janë rruajtja e këmbëve me balsam për flokë, pasta për dhëmbë kundër puçrrave dhe njollave në fytyrë, ndërsa edhe çorapët e mbushur me krem gjatë natës për zbutjen e këmbëve.

Vazelina përdoret shpesh për zbutjen e flokëve, ndërsa me anë të pastës së dhëmbëve lehtësohen edhe pickimet e insekteve. Vajrat e ndryshëm femrat shpesh i vënë në qimet e thelluara në mish, ndërsa me vajra bimësh mjekësore shpesh e lajnë fytyrën.

Ndërsa më bizarja nga të gjitha, është përdorimi i kremit kundër hemorroideve për largimin e të zezave nën sy! /Telegrafi/