Jemi mësuar të ndërrojmë telefonat, ashtu si ndërrojmë rrobat. Dalin modele të rinj, me një ritëm kaq të shfrenuar, saqë kjo bën të vështirë të kuptosh se çfarë ndryshon vërtetë mes një modeli dhe një tjetri.
E tregon më së miri edhe fushata më e fundit e Apple për iPhone 6s, që ka nisur nga një e dhënë e pakontestueshme: në dukje, celulari i ri i Apple është identik me paraardhësin.
Por për të na bindur që të blejmë të sapoardhurin, duhet thënë që ka ndryshuar gjithçka, edhe pse me sy të lirë nuk e kuptojmë.
Parashikimi
Megjithatë, ajo që nuk ka ndryshuar këto vite, është vetë esenca e telefonit: numri i tij.
Në fillim ishte ai fiks, që e kishim në shtëpi. Pastaj numri i kartës SIM, që na ka mundësuar ta ruajmë edhe përmes kalimeve nga një operator në tjetrin, në kërkim të ofertës më të mirë.
Por tani, për t’i telefonuar dikujt, nuk ekziston një mënyrë që të mos jetë digjitale, një seri shifrash mbi një tastierë.
Dhe tani ka nga ata që vënë bast se edhe kjo mbetje e shekullit të kaluar nuk do të ketë jetë të gjatë.
Dhe e thotë vetë Mark Zuckerbergu.
Në fillim, themeluesi i Facebook, rrjeti social më i populluar i botës, ka thënë se nuk e di edhe për sa kohë telefonat dhe numrat e tyre do të jenë në qarkullim.
E thënë nga një njeri, i cili për një pjesë të mirë të pasurisë i detyrohet kohës që kalojmë në celular, duket më shumë delir se sa parashikim, por ajo që do të thotë Z. Facebook, është se ajo që do të ndryshojë, është mënyra si ne i bëjmë telefonatat.
I jep të drejtë një studim i Pew Research Center, që ka zbuluar se vetëm 19% e adoleshentëve telefonon përditë, kundrejt 55% që preferojnë chat-in.
Rekordi i Whatsapp
Ditët e fundit, ka bërë xhiron e botës lajmi se Whatsapp, aplikacioni i mesazherisë së çastit që ka nxjerrë jashtë loje sms-të, ka arritur shifrën mbresëlënëse të 1 milionë përdoruesve në muaj. Një e shtata e popullsisë së botës.
Për të komentuar këtë shifër, Forumi Ekonomik Botëror ka botuar një artikull që analizon tendencat e fundit që kanë të bëjnë me përdorimin e këtyre lloj aplikacionesh, duke ngritur një pyetje të thjeshtë: a ka ardhur ora e fundit e numrave të telefonit?
Në mbështetje të kësaj teze, fondacioni merr si shembull shpërthimin që Whatsapp ka patur mbi të gjitha në tregjet në zhvillim: në Amerikën latine, 66% e personave që kanë qasje në Internet e ka përdorur Whatsappin muajin e fundit. Dhe rezultate të ngjashëm, apo pozitivë, regjistrohen në Lindjen e Mesme dhe Afrikë (63%) dhe në vendet aziatike, që lagen nga Paqësori (35%), pra nuk kemi të bëjmë me një modë krejt perëndimore.
Por vetë Whatsappi, a mundet të çrrënjosë një zakon njëshekullor? Jo, por Whatsapp nuk është vetëm. Ka aplikacione të ngjashëm që shumëfishohen, është një sistem i tërë komunikimesh alternative që i kanë bërë telefonatat të dala mode tashmë.
Nuk është mister, mjafton të shohësh operatorët e telefonisë: në oferta dallimin e bën trafiku i të dhënave, jo minutat e sms-të.
Një vëzhgues mund të kundërshtojë kollaj: “Për të përdorur Whatsappin më duhet një numër telefoni”.
Por ja që Whatsappi nuk është i vetëm: në vitin 2014 u ble nga Facebook, që në aplikacionin e tij Messenger (një tjetër sistem mesazherie online) ka 80 milionë përdorues aktivë.
Këtu numri i telefonit nuk duhet, dhe mund të shkruhet por edhe të dërgohen filmime, fotografi, para, por edhe pozicioni ku ndodhemi. E gjitha pa shtypur asgjë në tastierë.
Mjafton të jemi miq, të klikojmë mbi një emër. Jo vetëm kaq: kur dikush na shqetëson, nevojitet vetëm një sekondë për t’i penguar që të na kontaktojnë. Atëherë, edhe sa do të na duhet për t’u thënë lamtumirë numrave të telefonit? /La Stampa – Bota.al/
Promo
Reklamo këtuLufta Prigozhin - Putin
Më shumëKështu do të duket Samsung Galaxy S25
Apple shet tre modelet e iPhone
Inteligjenca Artificiale vlen 150 miliardë dollarë, por OpenAI po kërkon më shumë para
OpenAI prezantoi një model të ri: Të gjitha avantazhet dhe disavantazhet e o1
Al mund të ndryshojë besimin në teoritë konspirative, zbulon studimi
Një kod i thjeshtë mund t’ju tregojë nëse telefoni juaj është duke u përgjuar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Secila më e mirë se tjetra
Më të lexuarat
"Unë dhe Lirimi nuk jemi më bashkë, hapin e kam marrë unë" - Santiana shpalos detaje nga ndarja
Georg Koch: Kjo është intervista ime e fundit
Ish-gjenerali serb, Ponosh: Vuçiq shpalli kapitullimin në Kosovë
Për cilat projekte shkuan qindra-mijëra euro nga Kosova te Radoiçiq
Santiana Maloku pas fotografisë virale: Unë falem dhe nuk e shikoj fare çfarë thonë të tjerët
Adresimi presidentit serb, Shasha: Nga fiaskoja në Banjskë, hapësira manovruese e Vuçiqit po zvogëlohet