2012: Bizneset planifikojnë të blejnë iPad

Një hulumtim i ri me biznese të vogla dhe të mesme në SHBA zbuloi se 73 për qind e tyre planifikojnë të shpenzojnë dhjetëra mijëra dollarë për të blerë kompjuterë të ri tablet në 12 muajt e ardhshëm, dhe shumica e tyre do të blejnë iPad nga Apple.

Firma e hulumtimeve NPD ka anketuar bizneset amerikane me më pak se 1.000 të punësuar lidhur me synimin e tyre për të blerë tablet gjatë vitit të ardhshëm, dhe e njëjta gjeti pothuajse se tri të katërtat e këtyre bizneseve kanë për qëllim të blejnë tableta me ekran të ndjeshëm në prekje për vendin e tyre të punës.

"iPad, ashtu siç është një sinonim në tregun e konsumit të gjerë, është njësoj asociimi i parë për emrin "tablet" edhe në tregun e bizneseve" tha zëvendës drejtori i kompanisë, Stephen Baker.

"Hulumtimi i NPD-së tregon se preferenca për blerjen e iPad është më e lartë në mesin e firmave të mëdha sesa ato më të vogla, dhe ky është një tregues i rëndësishëm i cili dëshmon se Apple është duke fituar tërheqje edhe tek segmenet tjera të tregut, larg hapësirës tipike të konsumit nga individët."

Synimet për blerjen e kompjuterëve tabletë janë më të larta në mesin e kompanive me 501 dhe 999 të punësuar, ndërsa 89 për qind e bizneseve do të blejnë një tablet dhe do të shpenzonin për të në një mesatare prej $ 38.749.

Vitin e ardhshëm, bizneset e mesme dhe të vogla pritet të shpenzojnë më shumë se 21.000 dollarë për kompjuterë tablet. / Telegrafi /