Zyrtarët publikë ngurrojnë ta deklarojnë pasurinë (Video)

Zyrtarët publikë hezitojnë të deklarojnë pasurinë e tyre. Agjencia Kundër Korrupsionit thotë se pas 31 marsit do të iniciojë kallëzime penale për të gjithë ata që nuk e deklaruan pasurinë e tyre si dhe premton se do t’i fusë në kontroll të gjitha aplikacionet që u dorëzua me vonesë. Afati për këtë proces mbyllet ditën e fundit të këtij muaji.

Po ofron fundi i afatit ligjor për deklarimin e pasurisë nga ana e zyrtarëve publikë, por janë edhe 1300 sosh që ende nuk i kanë dorëzuar formularët e tyre në këtë proces.

Pas 31 marsit do të nisë edhe proceduara e ngritjes së kallëzimeve penale për të gjithë ata që hezituan që brenda periudhës prej 31 ditësh të publikojnë të hyrat e tyre dhe pasurinë e patundshme.

1 qershori është dita kur pasuria e tyre do të publikohet në faqen zyrtare të Kundër Korrupsionit. Por vetëm 20% e dokumenteve të dozuara në aplikacion i nënshtrohen procesit të kontrollimit.

Kësaj radhe Preteni thotë se ka vendosur të kontrollohet secili aplikacion që ka ardhur pas afatit ligjor dhe normalisht, edhe ato aplikacione që ka dyshime.
Që nga viti 2008 zyrtarët e lartë publikë në vend deklarojnë pasurinë e tyre.

Agjencia Kundër Korrupsion është ankuar se mangësitë ligjore po favorizojnë pasurimin e paligjshëm të zyrtarëve. Madje, edhe kur pasuria deklarohet, zyrtarët e lartë publikë përdorin dhjetëra metoda për të kamufluar atë pasuri, të cilën po ua mundëson legjislacioni i dobët në Kosovë.

Por të kundërtën e kanë thënë organizatat që merren me monitorimin e institucioneve të drejtësisë në vend, pasi sipas tyre, ligjet për të mposhtur korrupsionin ekzistojnë, por nuk ka vullnet të gjyqësorit për ta luftuar atë.

Madje, edhe kur iniciohen rastet e shumta që bëhen, janë aktet procedurale, por pa efekt.

https://vimeo.com/160917485