Manchester City ka siguruar nënshkrimin e mesfushorit sulmues 21-vjeçar Rayan Cherki nga Lyon.
Cherki ka nënshkruar një kontratë pesëvjeçare, që do ta mbajë atë në stadiumin Etihad deri në verën e vitit 2030.
Marrëveshja u arrit për një tarifë prej 36 milionë eurosh, me 6 milionë euro të tjera si bonuse të mundshme.
Talenti francez pritet të jetë menjëherë në dispozicion të trajnerit Pep Guardiola, duke filluar me Kupën e Botës për Klube të FIFA-s që zhvillohet këtë verë në Shtetet e Bashkuara.
Forma e tij e jashtëzakonshme në sezonin 2024/25, e futuri atë në "Ekipin e Sezonit" të Ligue 1 – një arritje që e ndan vetëm me një lojtar tjetër jashtë Paris Saint-Germain.
Ky transferim i Cherkit pritet të forcojë më tej skuadrën e Manchester Cityt dhe të shtojë kreativitet dhe dinamizëm në repartin ofensiv të Pep Guardiolës. /Telegrafi/
