Zyrtare: Prishtina konfirmon transferimin e sulmuesit Leutrim Kryeziu

Prishtina ka konfirmuar zyrtarisht transferimin e sulmuesit Leutrim Kryeziu, i cil,i vjen si huazim njëvjeçar nga klubi zviceran, Lugano.

Pas disa largimeve befasuese të disa prej yjeve të ekipit, Prishtina ka filluar të zëvendësojë ato largime.

Njëri nga ta është konfirmuar gjatë ditës së sotme (e premte), pasi “Plisat” kanë konfirmuar transferimit e Leutrim Kryeziut.

Lexo po ashtu Prishtina konfirmon largimin e pesë ‘senatorëve’ të ekipit

Sulmuesi gjilanas vjen si huazim njëvjeçar nga skuadra zvicerane, Lugano, ndërsa në të kaluarën ka luajtur te Drita.

Postimi pa ndërhyrje i Prishtinës:

Kryeziu përforcon Prishtinën

Reparti i sulmit forcohet me futbollistin e Luganos

Prishtinë, 28 gusht 2020 – Sulmuesi i Luganos, anëtare e elitës së futbollit zviceran, është pajtuar me ofertën e FC Prishtina që për një vit, konkretisht në edicionin 2020/21, të na huazoj sulmuesin, Leutrim Kryeziu.

Kryeziu, 21 vjeç, i lindur më 25.01.1999, 181 cm, luan në pozitën e sulmuesit. Në edicionin në 2019/20 ka qenë i huazuar në Ligën e parë të Zvicrës te skuadra e Chiaso-s.

Me Luganon ka një paraqitje zyrtare, ndërsa mbetët i pa harruar goli i shënuar ndaj Inter-it të Milanit në miqësoren ndërmjet dy klubeve.

Me U21 të Luganos nga 19 paraqitje ka shënuar 19 gola.

Me Kosovën U19 nga 6 paraqitje ka shënuar 5 gola.

Kurse, si anëtar i Dritës para se të transferohej në Lugano, nga 57 ndeshje zyrtare ka shënuar 8 gola.

/Telegrafi/