Zyrtare: Pesë ndeshje të Serie A me dyer të mbyllura, mes tyre edhe Juve – Inter

Pas lajmit se ndeshja Inter-Ludogorets do të zhvillohet të enjten pa praninë e tifozëve, kampionati italian i futbollit lejon zhvillimin e pesë ndeshjeve të kësaj jave të Serie A me dyer të mbyllura.

Derbi i madh italian Juventus-Inter, që do të zhvillohet në “Allianz Stadium” do të luhet pa tifozë.

Ndeshje e pritur prej shumë kohës, pasi të dyja klubet po luftojnë për titull këtë sezon.

Milan-Genoa, Parma-SPAL, Sassuolo-Brecia dhe Udinese-Fiorentina po ashtu do të zhvillohen pa tifozë.

Krejt kjo për të shmangur përhapjen e koronavirusit, i cili deri tani ka infektuar qindra persona në Itali dhe u ka marrë jetën shtatë prej tyre.

Në këtë fundjavë që shkoi, kampionati italian ndaloi zhvillimin e katër takimeve të Serie A.

Pesë ndeshje të tjera do të zhvillohen me shikues, përderisa nuk ka vendim tjetër.

Ndeshjet pa tifozë

Udinese-Fiorentina (29 shkurt, ora 18:00)

Milan-Genoa (1 mars, ora 12.30)

Parma-Spal ( 1 mars, ora 15:00)

Sassuolo-Brescia (1 mars, ora 15:00)

Juventus-Inter (1 mars, ora 20:45)

Sampdoria- Verona (2 mars, ore 20:45): do të vlerësohet përsëri 

Stadiumet e hapuar deri në një vendim të ardhshëm 

Lazio-Bologna (29 shkurt, ora 15:00)

Napoli-Torino (29 shkurt, ora 20:45)

Lecce-Atalanta (1 mars, ora 15:00)

Cagliari-Roma (1 mars, ora 18:00)

/Telegrafi/