Gjilani ka arritur marrëveshje me trajnerin nga Shqipëria, Gentian Mezanin, i cili do të bashkohet me klubin në ditën e ardhshme.
Gjilani kishte mbetur pa trajner prej kur ishte larguar Sadat Pajaziti.
Rezultatet e fundit kishin bërë që Gjilani të mendoj për një trajner për të mos rrezikuar rënien.
Klubi nuk ka treguar për sa ka nënshkruar me trajnerin vlonjat.
“Kryetrajneri Mezani punën në shtabin teknik të skuadrës e fillon nga dita e nesërme, ku do të startoj me stërvitjet dhe do t’i bashkëngjitet skuadrës, në përgatitjet për vazhdimin e kampionatit”.
“Ushtruesi i detyrës së kryetrajnerit, Alban Hyseni, do ti rikthehet pozicionit të tij të mëparshëm si ndihmës i Mezanit”, thuhet në njoftimin e klubit.
Gjilani është në vendin e pestë me 32 pikë. /Telegrafi/