Manchester City ka përfunduar nënshkrimin e Gianluigi Donnarumma nga Paris Saint-Germain në një marrëveshje me vlerë rreth 35 milionë euro. Portieri italian nënshkroi një kontratë deri në vitin 2030, me një mundësi zgjatjeje.
Transferimi i Ederson te Fenerbahce, i hapi derën Donnarummas për të kaluar te City dhe për të garuar si numri një i ri i Cityt përkrah James Traffordit.
“Manchester City ka kënaqësinë të konfirmojë nënshkrimin e Gianluigi Donnarumma nga Paris Saint-Germain, në varësi të miratimit ndërkombëtar”.
“Portieri 26-vjeçar italian ka nënshkruar një kontratë pesëvjeçare, e cila do ta shohë atë të qëndrojë në stadiumin Etihad deri në verën e vitit 2030”, thuhet në njoftimin e Cityt.
Raportet sugjerojnë se Donnarumma do të fitojë rreth 13 milionë euro në vit, me një shifër që mund të rritet në 16 milionë euro në varësi të bonuseve dhe klauzolave të performancës.
Besohet se Pep Guardiola i vlerëson reflekset dhe aftësinë e Donnarummas për të pritur gjuajtjet, edhe nëse mbeten pikëpyetje rreth shpërndarjes së tij nën presion. /Telegrafi/
