Zyrtare: Douglas Costa rikthehet te Bayerni

Bayern Munichu e ka zyrtarizuar transferimin e Douglas Costas nga Juventusi në formë huazimi.

Klubi gjerman arriti që të kthente anësori brazilian në skuadër, pasi në të kaluarën ishte pjesë e tyre, duke kaluar te Zonja e Vjetër.

Costa kishte luajtur për kampionin gjerman që nga viti 2015 deri në vitin 2017, për të kaluar më pas te skuadra italiane.

Bayerni nuk ka dashur të marrë shërbimet e lojtarit si permanente, mirëpo vetëm si një huazim për një edicion.

Bavarezët e kishin prioritet transferimin e Callum Hudson-Odoit nga Chelsea, mirëpo këta të fundit e refuzuan ta largonin lojtarin në huazim. /Telegrafi/