Zyrtare: Chelsean arrin marrëveshje me Laurence Stewart

Chelsea ka konfirmuar ardhjen e Laurence Stewart si drejtor i ri teknik i klubit.

Duke kaluar nga Monaco, Stewart do të jetë pjesë e planeve të transferimeve së bashku me emërimet e reja Kyle Macaulay, Joe Shields dhe potencialisht kreun e rekrutimit, Paul Winstanley.

Bashkëpronarët Todd Boehly dhe Clearlake Capital po ristrukturojnë klubin në prapaskenë dhe planifikojnë të bëjnë një hap gjigant në transferime për të lejuar specialistët të bëjnë punën e tyre.

Stewart, i cili do t’i bashkohet Chelseat së shpejti, ka punuar në rrjetin e Red Bull në Leipzig, si dhe në Everton, Manchester City dhe federatën angleze.

Në një deklaratë nga Boehly thuhet: “Laurence është një emërim i rëndësishëm pasi ne planifikojmë të ndërtojmë një ekip të thellë sportiv që do të bashkëpunojë ngushtë”.

“Laurence është një lider futbolli i klasit botëror që kupton menaxhimin e talenteve, të dhënat dhe zbulimin, zhvillimin dhe performancën e lojtarëve”.

Stewart, ndërkohë, tha: “Jam i kënaqur që bashkohem me Chelsean dhe i emocionuar për vizionin dhe drejtimin e klubit nën grupin e ri të pronësisë”.

“Jam i ngazëllyer që bashkohem me ta për t’i ndihmuar ata të ndërtojnë një organizatë sportive globale të klasit botëror për të fituar vazhdimisht në fushë në nivelet më të larta dhe për të ofruar shtigje lojtarësh për të ndihmuar në zhvillimin e skuadrës tonë”. /Telegrafi/

Laurence Stewart will be joining Chelsea in a new position as technical director to focus on football globally.

— Chelsea FC (@ChelseaFC) October 26, 2022