Prishtina e Re ka zyrtarizuar përforcimin e radhës për edicionin e ri në Albi Mall Superligë.
Klubi nga kryeqyteti ka arritur marrëveshje me mesfushorin Arlind Shabani, i cili vjen pas një sezoni të shkëlqyer me Ferizajn.
23-vjeçari ka qenë një nga lojtarët më të qëndrueshëm në mesfushë gjatë edicionit të fundit dhe tani synon të japë kontribut të rëndësishëm edhe te Prishtina e Re, që po ndërton një skuadër ambicioze për edicionin 2025/26.
Njoftimi i plotë i klubit:
Mirë se vjen, Arlind Shabani!
Skuadra përforcohet me mesfushorin Arlind Shabani, 23-vjeçar, i cili i bashkohet ekipit pas një edicioni mbresëlënës me FC Ferizaj.
Në edicionin e fundit, Arlindi zhvilloi 34 paraqitje në Albi Mall Superligë dhe Kupën e Kosovës, duke qenë një nga lojtarët më të qëndrueshëm në mesfushë.
Mirë se erdhe në familjen tonë, Arlind!. /Telegrafi/
