Zvicra publikon listën për dy ndeshjet e radhës, Hadergjonaj në mesin e katër shqiptarëve (Foto)

Përfaqësuesja e Zvicrës ka publikuar listën e futbollistëve për ndeshjet e radhës.

Trajneri i Zvicrës, Wladimir Petkovic, ka ftuar 20 futbollistë për dy ndeshjet që helvetikët do t’i zhvillojnë në muajin qershor.

Lexo po ashtu Super Hadergjonaj, a është ky goli i vitit në Gjermani? (Video)

Zvicra do të luaj fillimisht me Bjellorusinë një ndeshje miqësore më 1 qershor, ndërsa më 9 qershor do luaj me Ishujt Faroe për kualifikimet e Kupës së Botës.

Në mesin e futbollistëve të ftuar për këto dy ndeshje vërehet edhe ftesa për mbrojtësin nga Deçani i Kosovës, Florent Hadergjonaj, i cili luan me Inglostadtin në Bundesliga, përcjell Telegrafi.

Kjo duket si një befasi, pasi Hadergjonaj ka qenë në mesin e pak futbollistëve që kishte ende mundësinë për të zgjedhur Përfaqësuesen e Kosovës dhe pritej ta zyrtarizonte një gjë të tillë.

Lexo po ashtu Ekskluzive/ Hadergjonaj: Po për miqësore, jo për kualifikime

Megjithatë, në një intervistë të dhënë për Telegrafin para disa ditëve, mbrojtësi kosovar ka bërë të ditur se me Zvicrën do të luaj vetëm ndeshje miqësore, ndërsa vendimin final do ta marr pas ndeshjeve kualifikuese.

Përveç Hadergjonajt, në listën e të ftuarve janë edhe Xherdan Shaqiri, Admir Mehmedi dhe Valon Behrami, teksa vërehet mungesa e Granit Xhakës, por nuk zbulohen arsyet. /Telegrafi/

Lista e futbollistëve të ftuar nga Petkovic: