Zjarret në Portugali, frikë se mund të përsëritet ajo që ndodhi në vitin 2017

Më shumë se njëmijë zjarrfikës janë përballur që nga orët e para të së dielës me zjarre që kanë çuar në evakuime fshatrash në Portugalinë qendrore.

Më shumë se një mijë zjarrfikës dhe 400 mjete u dislokuan mëngjesin e të dielës në zonën malore dhe të pyjëzuar të Castelo Brankos, 200 km në veri të Lisbonës.

Në përpjekjet për të shuar flakët u angazhuan edhe rreth 20 avionë dhe helikopterë.

Një civil dhe të paktën shtatë zjarrfikës janë lënduar si pasojë e flakëve.

Ushtria po ashtu ka dislokuar trupa dhe makineri për tu ardhur në ndihmë zjarrfikësve.

Disa rrugë kombëtare janë mbyllur dhe një numër fshatrash në rajon janë evakuuar, përcjell gsh.

Portugalia është ende e traumatizuar nga vdekja e dhjetëra njerëzve në zjarret e 2017 me autoritetet që kanë marrë tani masa shtesë.

Por të ushqyer nga era e fortë, zjarret janë përhapur në tre drejtime të ndryshme që nga pasditja e të shtunës.

Gjashtë rajone në Portugalinë qendrore dhe jugore janë vënë në alarm maksimal për zjarre.