Një zjarr ka përfshirë një bujtinë në kryeqytetin e Zelandës së Re gjatë natës, duke vrarë të paktën gjashtë persona.
Si pasojë e zjarrit, siç raportojnë mediat e huaja, përcjell Telegrafi, disa të tjerë janë detyruar të largohen nga ndërtesa katërkatëshe – disa me pizhame - në atë që shefi i zjarrfikësve të martën e quajti "makthin e tij më të keq".
Pesëdhjetë e dy njerëz kishin dalë nga ndërtesa, por zjarrfikësit ende po përpiqeshin të kërkonin për të tjerë, tha shefi i zjarrfikësve në Wellington, Nick Pyatt, përcjell Telegrafi.
Banori i Loafers Lodge, Tala Sili, tha për median RNZ se pa tym që po vinte nga pjesa e poshtme e derës së tij dhe kur e hapi atë gjeti korridorin “të zi”.
“... Ishte thjesht e frikshme, ishte vërtet e frikshme, por e dija se duhej të hidhesha nga dritarja ose thjesht të digjesha brenda ndërtesës”. /Telegrafi/
