Zhivko Mitrevski akuzohet për kontrata të dëmshme për Lidhjen e Sindikatave të Maqedonisë

Kryetari i Lidhjes së Sindikatave të Maqedonisë (LSM), Darko Dimovski, i cili para dy ditësh e mori funksionin kryerës detyre kryetar,në mbledhjene e sotme ka bërë mbikëqyrjen e dokumentacionit dhe aktiviteteve nga puna e LSM-së gjatë periudhës së ish-kryetarit Zhivko Mitrevski, aktivitete për të cilët tha se tregojnë çfarë dëme i kanë shkaktuar Lidhjes së Sindikatave gjatë shtatë viteve të kaluara.

Dimovski tha se do të ngrisë padi penale kundër Mitrevskit për ‘keq përdorim të pozitës dhe autorizimeve zyrtare’ dhe për ‘falsifikim të dokumenteve’, padi këto të cilëve do të ju paraprijë ekspertizë dhe revizion i punës financiare, përcjell Telegrafi Maqedoni.

‘Një ndër ato më skandalozet është kontrata nga ana e Mitrevskit, ku thuhte se më 25.06.2015, në javën e parë të të qenit në funskion Kryetar i LSM-së, merret vendim për sigurim jetësor, të drejtë përdorimi kompensim për banesë edhe pse posedon banesë në Shkup, kompensim për shpenzime në banesë (energji elektrike, ujë, komunale, nxemje dhe tatime tjera). Shuma e kompensimit për banesë caktohet me vendim të veçantë të Kryesisë, gjë që kurrë nuk është bërë, duhet të jetë 250 deri më 300 euro’, thuhet në konferencën për shtyp të Dimovskit.

Në mbledhjen e Kryesisë është konstatuar se gjendja financiare e LSM-së për momentin është në gjendje të përballojë shpenzimet aktuale dhe është sjellë vendim për pagesë të regresit për pushim vjetor të punonjësve në LSM, në vlerë prej 60 për qind të pagës mesatare në tre muajt e fundit./Telegrafi/