Zgjedhjet në Britani, BE reagon pas fitores së Johnson: Vendoseni marrëveshjen për votim, “sa më shpejt të jetë e mundur”

Bashkimi Evropian ka mirëpritur fitoren e Boris Johnson, duke bërë thirrje që marrëveshja për Brexit të hidhet në votim në House of Commons “sa më shpejt të jetë e mundur” për të hequr pasigurinë, tha Presidenti i Këshillit, Charles Michel.

Sipas euronews, përcjell Telegrafi, duke biseduar me gazetarët ndërsa mbërriti për ditën e dytë të një samiti të liderëve të BE-së në Bruksel të premten, Michel uroi Johnson për fitoren e tij dhe tha se ai pret “sa më shpejt të jetë e mundur, votimin nga parlamenti britanik për Marrëveshjen e Tërheqjes. Është e rëndësishme të kemi qartësinë sa më shpejt të jetë e mundur”.

“Shpresoj se ne do të jemi në gjendje të punojmë shumë me qeverinë britanike, dhe është e rëndësishme të japim stabilitetin, t’i japim sigurinë sa më shpejt të jetë e mundur qytetarëve por edhe kompanive. Për kompanitë britanike por edhe për ato evropiane kompanitë”.

Lexo po ashtu Partia Konservatore e Boris Johnson fiton shumicën në zgjedhjet në Britani të Madhe

“Si BE, ne jemi të gatshëm. Ne kemi vendosur se cilat janë përparësitë tona. Ne e konsiderojmë shumë të rëndësishme për të mbajtur këtë bashkëpunim të ngushtë me Mbretërinë e Bashkuar, për të zhvilluar mundësinë e tregtisë, për zhvillimin ekonomik por edhe në fusha të tjera si siguria dhe mbrojtja”, ka thënë ndër tjerash ai.

Ndryshe, Boris Johnson do të kthehet në “Downing Street” me një shumicë të madhe pasi konservatorët thuhet kanë marrë shumicën e votave, në zgjedhjet e së enjtes në Britaninë e Madhe.

Kjo do t’i jepte Johnsonit një shumicë të rehatshme dhe do t’i hapte rrugën Brexit të zhvillohej në fund të janarit. /Telegrafi/

https://www.youtube.com/watch?time_continue=1&v=r7FjHCVGDeI&feature=emb_logo