Favorizuar nga moti me diell, zgjatja e sezonit turistik përtej muajve tradicionalë të verës shtoi fluksin e vizitorëve të huaj në Shqipëri edhe në muajin shtator.
Të dhënat e institutit të statistikave INSTAT bëjnë të ditur se në shtator, në vend hynë 1.1 milionë shtetas të huaj, me një rritje prej 45 për qind në krahasim me të njëjtin muaj të një viti më parë. Ky është niveli më i lartë i hyrjeve të të huajve të regjistruar ndonjëherë në këtë muaj.
Edhe për periudhën janar-shtator, shifrat tregojnë një rekord historik. Në vend kanë hyrë gjithsej 8.3 milionë shtetas të huaj, që është një shifër 29 për qind më e lartë se e njëjta periudhë e një viti më parë.
Sipas njoftimit të INSTAT, hyrjet e shtetasve shqiptarë dhe të huaj në territorin shqiptar, në muajin shtator 2023, janë 1.65 milionë. Ky tregues rezulton me një rritje 36.6 për qind, krahasuar me shtator 2022.
Daljet e shtetasve shqiptarë dhe të huaj nga territori i Shqipërisë, gjatë muajit shtator 2023, janë 1.7 milionë duke shënuar një rritje me 25.0 për qind, krahasuar me të njëjtën periudhë të një viti më parë.
Reklama e bërë në mediat e huaja për Shqipërinë, çmimet e lira brenda në vend, por edhe ato të fluturimeve kanë bërë që gjithnjë e më shumë të huaj të zbulojnë bukuritë natyrore të vendit, duke i dhënë gjallëri konsumit që ishte ndryshuar si rrjedhojë e frenimit të blerjeve nga çmimet e larta dhe ritmet e larta të emigracionit, sidomos të të rinjve.
Baret, restorantet, hotelet, etj kanë raportuar një ecuri të mirë në verë, të ndikuar nga konsumi i turistëve, ndërsa shumë persona kanë shfrytëzuar këtë tendencë për të dhënë shtëpitë me qira. Edhe të ardhurat nga TVSH e brendshme, sipas të dhënave nga Ministria e Financave u rritën me 29 për qind në shtator.
Të dhënat e tjera nga Ministria e turizmit bëjnë të ditur se peshën më të madhe të turistëve vijojnë ta mbajnë shtetasit e Kosovës, me rreth 33 për qind të totalit, të ndjekur nga italianët që këtë vit janë të dytët me rreth 10 për qind, të tretët kanë kaluar maqedonasit, e më pas vijnë shtetasit nga Mali i Zi e Greqia.
Në shtator 2023, rajoni me numrin më të lartë të hyrjeve të shtetasve të huaj në Shqipëri është rajoni i Europës me 1.06 milionë shtetas, pasuar nga Amerika dhe Azia Lindore/Paqësori, përkatësisht me 29,236 dhe 8,958 shtetas. /Telegrafi/
Promo
Reklamo këtuLufta Prigozhin - Putin
Më shumëKërcënohet prokurori i Prokurorisë Themelore, i dyshuari i shkoi në zyre i veshur me antiplumb
Apartamente nga 1400 dollarë nata, vajza e Donald Trump konfirmon investimin luksoz në Sazan të Shqipërisë
Hapet sot tuneli i Llogarasë, Rama: Vepër historike, do të ndryshojë udhëtimin drejt jugut
Policia kërkon ndihmën e qytetarëve për identifikimin e dy personave për vjedhje
Hapja e Tunelit të Llogarasë, nga viti i ardhshëm me pagesë që do të kushtojë rreth 5 euro
Tuneli i Llogarasë, kryevepra që lidh për 10 minuta Dukatin me Palasën
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Përçarje brenda ekipit të Portugalisë? Ronaldo tregon çfarë po ndodh para ndeshjes me Francën
Arrihet "marrëveshja verbale" mes De Bruynes dhe klubit të ri
Hapja e Tunelit të Llogarasë, nga viti i ardhshëm me pagesë që do të kushtojë rreth 5 euro
Exit Poll: Laburistët vijnë në pushtet pas 14 vjetëve në opozitë, Britania me kryeministër të ri
Apartamente nga 1400 dollarë nata, vajza e Donald Trump konfirmon investimin luksoz në Sazan të Shqipërisë
Biden është në telashe të mëdha - çfarë duhet të bëjë nëse dëshiron të fitojë kundër Trumpit