Milaim Zeka flet për aferat seksuale në VV, thotë se ka dëshmi se është i përfshirë edhe Glauk Konjufca (Video)

Deputeti i NISMA Socialdemokrate Milaim Zeka ka folur për përplasjet që ai ka pasur sot në Kuvendin e Kosovës me deputetin e Vetëvendosjes Glauk Konjufca.

Ai në “Dossier D” me Fidan Ramën në RTV Dukagjini ka deklaruar se Konjufca i ka reaguar atij, sepse i pari i ka thënë se Thaçi të ka në xhep.

Zeka ka bërë edhe akuza të rënda në drejtim të Vetëvendosjes, dukë thënë se ka video incizime që në zyrat e këtij subjekti janë bërë “dyshe” e “treshe”.

“Mua nuk me fyen një njeri, ku njerëzit kanë treguar se ka dëshmi me video incizime me aty “dyshet” apo “treshet” e famshme në zyrat e Lëvizjes Vetëvendosje që kanë bërë abuzime seksuale”, përcjell Telegrafi.

Deputeti i NISMA Socialdemokrate ka shkuar edhe më tej duke thënë se edhe Konjufca është i përfshirë në këto sekuenca.

“Po…nuk është akuzë aspak e rëndë”.

Zeka tha se nëse Konjufca e dëshmon akuzën e tij se unë kam mashtruar mbi 700 persona, ai është i gatshëm të dëshmoj aferën seksuale të Konjufcës.

“Nëse Konjufca le ta dëshmon se cilin person unë e kam mashtruar, se ai tha që unë kam mashtruar mbi 907 persona, edhe unë dëshmoj aferën e tij”, deklaroi Zeka.

Telegrafi, ka tentuar të flas me deputetin Glauk Konjufca, lidhur me akuzat e deputetit të NISMA-s, Milaim Zeka, por nuk ka mundur të marrë përgjigje.