Zëdhënësi i Qeverisë së Maqedonisë informon për numrin e saktë të punonjësve në marrëdhëniet me publikun

Zëdhënësi i Qeverisë së RM, Mile Boshnjakovski sot në brifing me gazetarët informoi se numri i përgjithshëm i personave të angazhuar për marrëdhënie me publikun në Qeveri dhe agjencitë është 39, ndërsa numri i përgjithshëm i personave që punojnë në sferën e marrëdhënieve me publikun për Qeverinë është 46.

Harxhimet e Qeverisë për marrëdhëniet me publikun shënojnë ulje. Sipas të dhënave të vitit 2014, Qeveria e RM-së ka harxhuar 7.5 milionë euro pr marrëdhënie me publikun dhe propagandë, në vitin 2015 janë harxhuar 5.5 milionë, në vitin 2016, 1.1 milionë ndërsa buxheti i paraparë për këtë vit është 530.000 euro.

“Kjo shumë është 14 herë më e ulët në krahasim me vitin 2014 ose 10 herë më e ulët në krahasim me vitin 2015. Për dallim nga këta numra, në vitin 2017, numri i përgjithshëm dhe real i të punësuarve në PR të Qeverisë, për kryeministrin, për 15 ministritë, për 5 zv.kryeministra dhe 7 ministri pa resor është 46 persona. Nuk ka konsultantë të jashtëm, nuk ka agjenci të jashtme, por ekzistojnë edhe 57 të punësuar që kryejnë punë si përkthim, protokol, analizë, logjistikë, foto dhe video, organizim të ngjarjeve”, tha Boshkovski./Telegrafi/