Një nga çiftet më të dashur dhe më të komentuar të skenës muzikore, Dardani dhe Hava, do ta kurorëzojnë dashurinë e tyre me martesë këtë vit.
Prive Klan Kosova ka zbuluar se çifti do të martohet më 6 shtator 2025.
Burime të afërta me çiftin kanë konfirmuar se për dasmën janë planifikuar të ftohen vetëm familjarët dhe miqtë më të afërt, duke e bërë ceremoninë të ngrohtë, intime dhe larg syrit të publikut të gjerë.
Megjithatë, si çdo moment i rëndësishëm në jetën e dy yjeve të njohur, edhe kjo ngjarje pritet të jetë në qendër të vëmendjes mediatike.
Romanca e Dardanit dhe Havës ka qenë prej kohësh një histori e ndjekur me interes nga fansat. Që nga momenti kur u shfaqën për herë të parë bashkë, dyshja ka ruajtur një ekuilibër mes jetës private dhe asaj publike, duke treguar kujdes në mënyrën si ndajnë detaje nga marrëdhënia e tyre.
Megjithatë, kimia mes tyre ka qenë e dukshme dhe e pëlqyer nga publiku që i ka ndjekur e mbështetur si çift.
Të dy artistët kanë ndërtuar karriera të suksesshme në muzikë dhe janë shndërruar në figura shumë të pëlqyera.
Ata numërojnë miliona dëgjime në platformat digjitale dhe një bazë të madhe fansash që tashmë mezi presin këtë hap të ri në jetën e tyre. /Telegrafi/
