Zaev: Politikat e fqinjësisë së mirë po japin rezultate

Ngritja e politikave të miqësisë së mirë japin rezultate. Me Republikën e Bullgarisë ne kemi 12% më shumë tregti në vetëm në një vit dhe besoj se do të ndodhë kështu edhe me Republikën e Greqisë, tha në një takim me biznesmenët e Manastirit, Kryeministri i Republikës së Maqedonisë, Zoran Zaev, përcjell Telegrafi Maqedoni.

Sipas Kryeministrit me realizimin e marrëveshjes me Republikën e Greqisë priten përfitime serioze, kryesisht në planin ekonomik, të cilat janë të përcaktuara qartë në Nenin 13 dhe Nenin 14 të marrëveshjes dhe se bashkëpunimi në të ardhmen do të jetë shumë më i madh, më i këndshëm dhe më produktiv.

“Marrëveshja me Republikën e Greqisë është shumë pak e shfaqur në pjesën që hap të gjitha këndvështrimet e bashkëpunimit. Në një periudhë verifikimi të plotë të marrëveshjes nga të dyja palët dhe ratifikimin e marrëveshjes në Kuvendin e Greqisë, ne presim që të dyfishohet vëllimi i tregtisë midis dy vendeve. I bëj thirrje qytetarëve të Manastirit dhe këtij rajoni të përqendrohen dhe të përgatiten për pushtimin e tregut grek sepse është një treg i mirë dhe cilësor. Jam i bindur se si shtet do të përdorim të gjitha përfitimet e marrëveshjes me Greqinë, e cila është një zgjidhje e drejtë dhe me ndikim politik. Ai duhet të lejojë miqësinë, bashkëpunimin dhe hapjen e dyerve tona drejtë BE-së dhe NATO-s, tha Kryeministri Zaev.

Kryeministri Zaev nga Manastiri tha se pranimi i Maqedonisë në NATO është një mundësi e mirë për zhvillim të shpejtë të ekonomisë. /Telegrafi/