Hollywood-i është i mbushur me thashetheme, ëndrra, drama, por edhe me miqësi të ngushta. Shumë prej personazheve të famshëm i kanë miqtë e tyre po aq të famshëm sa ata
Miqësi të tilla, të lindura spontanisht, ka pafund mes të famshmëve. Më poshtë po ju rendisim disa personazhe që i njihni shumë mirë, por me siguri nuk e dini që janë miq të ngushtë me njëri-tjetrin.
Cara Delevingne dhe Rihanna
Ato u njohën gjashtë vite më parë në një event mode. Më pas punuan së bashku, ndërsa tani janë mikesha të ngushta.
Salma Hayek dhe Penelope Cruz
Dy aktoret kanë një miqësi 20-vjeçare dhe janë të pandara nga njëra-tjetra.
Kristen Stewart dhe Dakota Fanning
Janë takuar bashkë gjatë xhirimeve të filmit “New Moon” dhe marrëdhënia e tyre u bë gjithmonë e më ngushtë me kalimin e kohës.
Cameron Diaz dhe Drew Barrymore
Ato janë takuar kur Cameron ishte 16 vjeçe dhe Drew 14 dhe që atëherë ndajnë bashkë një miqësi të bukur.
Jimmy Fallon dhe Justin Timberlake
U njohën në vitin 2002 dhe pak vite më vonë miqësia e tyre u forcua edhe më shumë. Kur ata bëhen bashkë publiku përgatitet të qesh me lot.
Brad Pitt dhe George Clooney
Ata nuk janë miq të ngushtë, sepse e kosiderojnë njëri-tjetrin vëllezër.
Jennifer Aniston dhe Courteney Cox
Edhe këto dy aktore kanë ndarë gjithçka së bashku prej më shumë se 20 vitesh.
Kate Winslet dhe Leonardo DiCaprio
Po, Jack dhe Rose të Titanic-ut janë miq të ngushtë në jetën reale.
Vanessa Hudgens dhe Ashley Tisdale
U njohën në filmin High School Musical dhe miqësia e tyre është shumë e fortë edhe pas kaq vitesh.
/Telegrafi/
