Xhinset tërësisht të shformuara dhe të zgjeruara nga bartja? Kthejini ato në formën e tyre të vjetër

Me siguri keni xhinse të ngushta të preferuara. Sapo lahen dhe thahen, janë gjëja e parë që nxirrni nga dollapi

Ju i vishni ato vazhdimisht, por me kalimin e kohës, ato shtrembërohen dhe ndryshojnë plotësisht atë prerje të bukur që dikur ju përshtatej aq mirë.

Atëherë gjithçka që duhet të bëni është të gjeni një palë që na përshtatet aq mirë. Sidoqoftë, ekziston një metodë me të cilën mund ta zgjidhni këtë problem. Është metoda e ashtuquajtur “makarona”, transmeton Telegrafi.

Është e rëndësishme të theksohet se kryesisht i referohet xhinseve që nuk përmbajnë elastin, prandaj është e rëndësishme të kontrolloni përbërjen përpara se të përdorni këtë truk.

Te xhinset me elastinë, ky truk mund të ketë efektin e kundërt dhe t’i deformojë plotësisht. Nëse xhinset nuk kanë në vete elastinë, asgjë nuk do t’ju kushtojë ta provoni këtë truk.

Qe si funksionon ky truk:

Fillimisht është e nevojshme që në një enë të gjerë apo në një tenxhere të zieni 100 g kripë. Kripa është e domosdoshme, sepse pengon heqjen e ngjyrës nga xhinset, e cila mund të arrihet për shkak temperaturës tepër të lartë të ujit.

Kur uji të vlojë, futni xhinset në enë që, sikur makarona, të ziejnë afro dhjetë minuta. Pastaj nxirrni xhinset, shtrydhni dhe shpëlani në ujë të ftohtë.

Lërini të thahen në ajër. Ato së shpejti do të jenë gati të shkëlqejnë sërish tek ju. /Telegrafi/