Xhaka i jep zemër Zvicrës para ndeshjes me Brazilin: Do të luftojmë deri në fund

Granit Xhaka ka tentuar t’i motivojë bashkëlojtarët e tij te Zvicra para takimit me Kombëtaren e Brazilit për Kupën e Botës “Rusia 2018”.

Kombëtarja zvicerane do ta nis sot (e diel) kampanjën e tyre në Kupën e Botës në një ndeshje të vështirë ndaj ekipit të madh kombëtar, Brazilit.

Kjo ndeshje është e vlefshme për Grupin E, aty ku bëjnë pjesën edhe Kombëtarja e Kosta Rikës dhe Serbia.

Lexo po ashtu Taulanti me mesazh për Granitin: Shpresoj të mbijetoni pjesën e parë, nuk i dihet në pjesën e dytë

Brazili shihet si favorit në këtë ndeshje pasi janë pesë herë fitues të Kupës së Botës, por edhe Zvicra ka një skuadër kompakte me emra të njohur.

Barra kryesore e kombëtares helvetike mbahet nga futbollistët me prejardhje shqiptare si Xhaka, Xherdan Shaqiri, Valon Behrami e Blerim Xhemajli.

Është pikërisht mesfushori i Arsenalit, Xhaka, i cili ka tentuar t’i motivojë bashkëlojtarët e tij me një video para takimit krucial ndaj Brazilit.

Lexo po ashtu Hitzfeld tregon formulën si të ndalet Neymari: Behrami dhe të tjerët kanë aftësinë të fitojnë

“Ne do të luftojmë, përpiqemi dhe do të vuajmë deri në fund!!!”, janë fjalët e Xhakës në postimin e tij në Facebook.

Ndryshe, ndeshja Zvicër-Brazilit do të zhvillohet në Rostov Arena të Rostovit dhe do të fillojë nga ora 20:00. /Telegrafi/