Xhaferi: Vizita e Ursula von der Leyen konfirmon përkushtimin tonë për anëtarësim në BE

Vizita e kryetares së Komisionit Evropian, Ursula von der Leyen, në vend është shenjë jashtëzakonisht e favorshme e solidaritetit dhe mbështetjes nga Bashkimi Evropian dhe konfirmim i arsyetimit të përkushtimit tonë strategjik për anëtarësim të plotë në Bashkimin Evropian, beson kryetari i Kuvendit Talat Xhaferi.

Siç kumtoi shërbimi për shtyp i qeverisë, Xhaferi ka marrë pjesë në darkën e përbashkët të organizuar nga presidenti Stevo Pendarovski për nder të kryetares së Komisionit Evropian Ursula von der Leyen dhe ku ishte i pranishëm kreu i shtetit dhe shefi i misionit të BE-së në Shkup, David Geer.

Xhaferi shprehu kënaqësi për ardhjen e saj pikërisht në këtë periudhë kur i gjithë rajoni ballafaqohet me ndikimet nga kriza ekzistuese energjetike, sidomos duke e pasur parasysh se ardhja e saj është në drejtim të prezantimit të mbështetjes plotësues që Bashkimi Evropian do ia japë Republikës së Maqedonisë së Veriut dhe rajonit”, qëndron në kumtesë.

Kjo, siç theksohet, është një shenjë jashtëzakonisht e volitshme e bashkësisë dhe mbështetjes nga Bashkimi Evropian dhe është konfirmim i përcaktimit tonë strategjik për anëtarësim të plotfuqishëm në Bashkimin Evropian.

Gjithsesi se nënshkrimi i Marrëveshjes me Frontex në gjuhën maqedonase është konfirmim për atë që e theksoi Kryetari Xhaferi gjatë takimit paraprak me kryetaren Ursula von der Leyen në korrik të këtij viti se “Gjuha maqedonase do të regjistrohet pa fusnota dhe se koha do të dëshmojë se është marrë vendimi i vërtetë”, thuhet në kumtesë.

Kryetarja e KE-së potencoi se i vjen mirë që mundet edhe me vepër ta konfirmojë mbështetjen që BE-ja ia jep Republikës së Maqedonisë së Veriut dhe vendeve në rajon në përgjithësi.