Xhaferi: Gjatë votimit të dytë do të sigurojmë më shumë vota për Ligjin e gjuhëve

Kryetari i Kuvendit Talat Xhaferi ka reaguar lidhur me vendimin e kryetarit Gjeorge Ivanov për të vendosur veto mbi Ligjin për përdorimin e gjuhëve.

Në një lidhje telefonike për ‘News24’ Xhaferi pohoi se ligji për Gjuhën Shqipe do kthehet në Kuvend, ndërsa shtoi se sugjerimet e Ivanov do të shqyrtohen. Mes të tjerash ai theksoi se votat për këtë projektligj mund të shtohen edhe më shumë.

“Ligji për gjuhët do të rikthehet në Kuvend dhe do të shqyrtoj sugjerimet e Ivanov. Votat mund edhe të shtohen pasi një pjesë e deputetët nuk kanë qenë prezent në seancë plenare”, tha Xhaferi.

Kryetari Gjorge Ivanov theksoi se ky ligj është në kundërshtim me kushtetutën e Republikës së Maqedonisë. Sipas tij, ligji rrezikon karakterin unitar të shtetit, sovranitetin dhe integritetin territorial të Maqedonisë.

“Më 11 janar të vitit 2018 Kuvendi i Maqedonisë e votoi ligjin për përdorim të gjuhëve pa debat publik, pa përfshirjen e ekspertëve akademik dhe pa opozitën. Në fjalimin e fundvitit theksova se ky ligj është sjell me flamur evropian. Me miratimin e këtij ligji është keqpërdorur flamuri evropian i cili i ndryshon sistemet ligjore”, tha Ivanov.