Xabi Alonso ka implementuar taktikën gjeniale që ka ndihmuar Leverkusenin të jetë lider në Bundesliga

Bayer Leverkusen janë duke shkëlqyer këtë sezon në Bundesliga teksa pas 12 ndeshjeve të zhvilluara ata janë lider të tabelës dhe një taktikë gjeniale ka kontribuar në suksesin e tyre.

Leverkuseni nuk ka fituar asnjë titull të Bundesligës në historinë e tyre por momentalisht kanë dy pikë më shumë se kampioni në fuqi Bayerni nën urdhrat e Xabi Alonsos.

Ish-mesfushori i Liverpoolit, Real Madridit dhe Bayernit, mori ‘frenat’ e “Aspirinave” në tetor të vitit të kaluar dhe udhëhoqi Leverkusenin në gjysmëfinale të Ligës së Evropës.

Lexo po ashtu Real Madridi mund të humbë garën për Alonson, gjiganti evropian thuhet se ka arritur marrëveshje me të

Leverkuseni po aplikon një futboll shumë të mirë dhe krejt kjo falë Alonsos i cili po i kushton rëndësi edhe detajeve më të vogla.

Një video virale e shpërndarë në rrjetet sociale tregon se si Leverkuseni shpërndanë rreth 29 topa në tërë fushën në “BayArena” sa herë që luajnë si vendas.

@bundesliga

No time wasting here! ⏱️ #bundesliga #fussball

♬ Moving Upwards – Philip Guyler

Kjo vetëm për shkak se sa herë që topi del jashtë vijës të limitohet koha e humbur duke krijuar mundësinë që të nisin aksionin e ri shumë shpejtë.

Kjo gjë ishte vërejtur kur ndeshjet po luheshin prapa dyerve të mbyllura dhe nuk kishte fëmijë që ndihmonin në hedhjen e topave.

Sidoqoftë, kjo tashmë është bërë diçka e zakonshme për “Aspirinat” dhë këtë mund ta vërejmë sa herë që përcjellim ndonjë ndeshje të tyre si vendas.

Teknikisht, e njëjta gjë mund të jetë avantazh edhe për kundërshtarët, por deri më tani kjo po funksionon për Leverkusenin pasi që ende nuk kanë pësuar humbje në ligë./Telegrafi/