Wizards dhe Celtics në epërsi të serive finale të “Play-Off” të NBA-së (Video)

Mbrëmë janë zhvilluar dy takime të ‘Play-Off’ në kuadër të ligës më të forte të basketbollit në botë.

Washington Wizards dhe Boston Celtics janë në epërsi të serive finale prej 3-2.

Wizards ka fituar para shikuesve të vetë kundër Atlanta Hawks me rezultat 103-99, transmeton Telegrafi.

Bradley Beal ka qenë lojtari më efikas te ‘magjistarët’ me 27 pikë, ndërsa shtatë sosh më pak i shtoi John Wall.

Në anën tjetër te Hawksat më të mirët në parket me ‘double-double’ ishin Dennis Schroder në saje të 29 pikëve dhe 11 asistimeve dhe Paul Milsap me 21 pikë dhe 11 kërcimeve.

Bostoni para shikuesve të vetë ka marrë epërsinë e serisë së fitoreve pas triumfit kundër Chigabo Bullsave me rezultat 108-97.

Te ‘keltët’ më të mirët ishin Isaiah Thomas dhe Avery Bradley me nga 24 pikë secili ndërsa Al Horford ka shtuar tre pikë më pak.

Dwayne Wade regjistroi ‘double-double’ me 26 pikë dhe 11 kërcime te Bullsat, po nuk ishin të mjaftueshme për t’iu shmangur humbjes së tretë.

Ndryshe, takimet e radhës mes këtyre skuadrave do të zhvillohet më 30 prill, ditë e diele. /Telegrafi/