Wengerit po i vije fundi, tashmë shumë tifozë kundër tij (Foto)

Kur vitin e shkuar në prill shumë tifozë vendosën të protestojnë kundër Arsene Wengerit,  disa tifozë të vjetër i dolën në krahë duke e mbrojtur atë dhe për këtë dështoi shkarkimi i tij.

Ajo ishte hera e parë dhe e fundit në të gjithë sezonin e kaluar që tifozët e Topçinjve i dolën në krah teknikut francez edhe pse më pas këta të fundit nisën ta ofendonin francezin pas humbjes së parë të këtij sezoni që pësoi Arsenali në ndeshjen e parë kundër Liverpoolit.

Durimi e ka një fund dhe tashmë të gjithë kanë dalë kundër, Wengerit duke kërkuar largimin e tij nga stoli i Arsenalit, madje edhe fansat më besnikë të 67-vjeçarit.

“Arsene ka qenë një trajner fantastik dhe do të jetë gjithmonë një legjendë e Arsenalit, por ka ardhur momenti që ai të largohet dhe duhet ta bëjë diçka të tillë me kokën lartë duke mos lejuar që gjërat të përkeqësohen akoma edhe më shumë”, thotë një tifoz i Arsenalit.

Në vitet e fundit nuk ka progres dhe tituj që i mungojnë Arsenalin prej 13 sezoneve të fundit.

Prej kalimit nga Highbury në Emirates, klubi nuk e ka fituar titullin.

Historisë së Arsene Wengerit në stolin e Arsenalit siç duket po i vjen fundi dhe refuzimi i një oferte nga Kina i ka nervozuar edhe më shumë tifozët. /Telegrafi/