Walmart ka nisur testimin e shpërndarjes së porosive me dronë në disa dyqane në Shtetet e Bashkuara, përfshirë në Teksas dhe Georgia.
Kompania po përdor dronë të kompanive Flytrex dhe Wing (Alphabet), të cilët mund të dorëzojnë paketat deri në 3 kilogramë brenda 30 minutash, duke i ulur ato në tokë përmes një kablloje.
Ky pilot-projekt synon të përshpejtojë dhe të thjeshtojë procesin e shpërndarjes, duke ofruar shërbime më të shpejta për klientët.
Walmart ka paralajmëruar se deri në vitin 2027, shërbimi me dron do të jetë i disponueshëm në qindra dyqane në të gjithë vendin.
Ekspertët e teknologjisë e shohin këtë hap si një lëvizje të rëndësishme drejt inovacionit në logjistikë dhe e-commerce, duke futur dronët si një mjet të zakonshëm për shpërndarjen e mallrave. /Telegrafi/
