VW fillon prodhimin e ID. Buzz, do të ketë kapacitetin për të prodhuar 130,000 njësi në vit në Gjermani

Fabrika e tretë e automjeteve elektrike të Volkswagen në Gjermani, në Hannover, nisi prodhimin e furgonit elektrik ID. Buzz, javën e kaluar.

Furgoni i pasagjerëve bashkohet me ID. Buzz Cargo, versioni komercial i EV, i cili tashmë po prodhohej në fabrikë, përcjell Telegrafi.

“Fillimi i prodhimit serik të kësaj makine është një moment historik i rëndësishëm në elektrifikimin e flotës sonë dhe për funksionimin e prodhimit në vendin e Hannoverit”, ka thënë Carsten Intra, kryetar i bordit të menaxhimit të automjeteve komerciale VW.

“Automjeti është një shtyllë kyçe në shfrytëzimin e plotë të fabrikës sonë dhe në këtë mënyrë po mbron të ardhmen e kantierit”.

Fabrika e Volkswagen në Hannover ishte në ndërtim të vazhdueshëm për dy vjet me qëllim që të përgatitej për kalimin në automjete elektrike.

Pavarësisht kësaj, prodhimi i T6.1 nuk u ndal kurrë dhe vazhdon edhe sot.

Volkswagen Commercial Vehicles pret të bëjë 15,000 ID. Buzz dhe ID.Buzz Cargos në fabrikë këtë vit.

Megjithatë, sapo prodhimi të rritet plotësisht, do të ketë aftësinë për të ndërtuar deri në 130,000 automjete elektrike në vit. /Telegrafi/