Vritet me kallashnikov futbollisti 19-vjeçar William Gomis

Ish-mbrojtësi i Saint-Etienne, William Gomis, është qëlluar për vdekje me një kallashnikov.

Akoma nuk janë bërë publike të gjitha detajet e kësaj tragjedie, ndërsa thuhet se ngjarja ka ndodhur në rrugën La Seyne-sur-Mer në Saint-Etienne në Francë.

Njëherësh, bëhet e ditur se në këtë incident ka vdekur edhe një djalë 14-vjeçar, ndërsa policia ka gjetur 24 gëzhoja të plumbave të kallashnikovit në vendin e ngjarjes.

https://twitter.com/FTalentScout/status/1039138340216492032

Vetëm disa javë më parë ka vdekur njëri nga vëllezërit e Gomis, po ashtu nga plagët e marra pas qëllimit me armë.

Saint-Etienne ka lëshuar një komunikatë për media të hënën duke konfirmuar vdekjen e futbollistit.

“AS Saint-Etienne me pikëllim ka mësuar për vdekjen tragjike të William Gomis që ka ndodhur mbrëmjen e kaluar (e diel)”, thuhet në njoftim.

https://twitter.com/SidelineScouted/status/1039134715670933504

Më tej theksohet se futbollisti ishte angazhuar te klubi i Ligue 1 që në moshë 15-vjeçare, megjithatë nuk kishte arritur të debutonte për ekipin e parë.

Gomis ishte larguar nga Saint-Etienne këtë verë, edhe pse klubi i kishte ofruar rinovim të kontratës. Ai kishte luajtur për ekipin B në Championnat National duke regjistruar 18 paraqitje në sezonin e kaluar. /Telegrafi/

Willy 😭

— 22 (@NordinArnaud) September 10, 2018