Vrau vëlla e motër, policia e Lezhës jep shpërblimin prej pesë milionë lekëve për kapjen e autorit

Policia e Shtetit ka identifikuar autorin e krimit të dyfishtë të ndodhur mbrëmjen e djeshme në Rrëshen.

Personi është Fatmir Kolecaj, 47 vjeç.

Lidhur me këtë, Policia e Lezhës ka vënë në dispozicion 5 milionë lekë për këdo që jep informacion të saktë mbi vendndodhjen e autorit.

Lexo po ashtu Mirditë, vriten vëlla e motër

Njoftimi i plotë

Vijon krehja e zonës për lokalizimin, kapjen dhe arrestimin e autorit të dyshuar të vrasjes së dyfishtë të ndodhur mbrëmjen e djeshme, në Kodër Rrëshen.

Forcat RENEA, FNSH dhe strukturat e Drejtorisë Vendore të Policisë Lezhë kanë vijuar pa ndërprerë kontrollin e territorit dhe të vendeve të dyshuara ku mund të fshihej autori i dyshuar i ngjarjes.

Ndërkohë, grupi hetimor, nën drejtimin e prokurorisë ka kryer të gjitha veprimet procedurale dhe dokumentimin e ngjarjes.

Për të bërë të mundur kapjen sa më parë të autorit të dyshuar të kësaj ngjarjeje, Drejtoria Vendore e Policisë Lezhë vë në dispozicion 5 milion lekë për këdo që jep informacion të saktë mbi vendndodhjen e autorit.

Cilido që disponon informacion të vlefshëm për autorin e dyshuar, shtetasin Fatmir Kolecaj, 47 vjeç, banues në fshatin Zejmen, Lezhë, të telefonojnë në numrin 069 41 06 449 dhe në numrin pa pagesë 112 apo në Komisariatin Dixhital, duke i siguruar anonimat të plotë dhe të sigurt. /Telegrafi/