Vrasja e ekstremistit grek në Shqipëri, përplasen Rama e Berisha

Vrasja e një 35 vjeçari grek, në Bularat të Gjirokastrës nga forcat speciale “RENEA” ka shkaktuar polemika në distancë mes kryeministrit Rama dhe deputetit të PD-së, Sali Berisha.

Lideri historik i PD-së, Sali Berisha përmes një shënimi në Facebook i ka dënuar disa reagime zyrtare të Athinës por edhe të Tiranës, që sipas tij duan të përdorin rastin për qëllime politike.

Postimi i plotë i Berishës

Deklarate për ngjarjen ne Bularat!

Te dashur miq, dje nje banor i Bularatit, anetar ne forcat e armatosura te Greqise ka hapur zjarr per motive ekstremiste edhe ndaj policise. Natyrisht ne çdo rast qe hapet zjarr drejt policise kesaj te fundit i lind e drejta ligjore te neutralizoj burimin e zjarrit.

Kur them te neutralizoje nenkuptoj me kete dorezimin e kriminelit qe hap zjarr, plagosjen e tij dhe se fundi edhe asgjesimin e tij kur dy te parat jane ta pamundura.

Pavaresisht aktit te denueshem qe vuri ne rrezik forcat e rendit, i shpreh ngushellime njerezore familjes se viktimes. Duke denuar disa reagime zyrtare te Athines por edhe te Tiranes, qe duan te perdorin rastin per qellime politike, konsideroj te nevojshme nje hetim te plote dhe transparent te kesaj ngjarje.

Me kete rast bej thirrje per nderprejen e histerise primitive antishqiptare ne Athine dhe asaj antigreke ne Tirane, qe nuk i sherbejne as te vertetes dhe as bashkepunimit mes popujve dhe vendeve tona! sb

Berishës, më vonë i është kundërpërgjigjur kryeministri Edi Rama në Twiter.

Rama deklaratën e Berishës e ka quajtur “një pisllëk që mund ta bëjë vetëm një materie e biodegraduar deri në palcë”.

Postimi i plotë i Ramës

Deklarata e SB për Bularatin një pisllëk që mund ta bëjë vetëm një materie e biodegraduar deri në palcë.

Sa shumë i dha Shqipëria këtij njeriu që do iki nga kjo botë pa lënë pas qoftë dhe një fjali për t’ua treguar fëmijëve apo një fjalim ku të mos duhet sinjali kujdes fëmijët./Telegrafi/