VRAJENI QIELLIN E KALTËRT

Nga: Bono Vox (kënga “Bullet the Blue Sky” e grupit U2, nga albumi “The Joshua Tree” i vitit 1987)
Përktheu: Agron Shala

Era qi po ulëron
Bjen shiun qi shpon
Këqyr qysh po i gozhdon
Shpirtnat n’drunin e dhembjes

Prej xixëllojës
Dritë e kuqe vezullon
Këqyr ftyrën e frigës
E tmerrueme poshtë luginës si vrapon

Vrajeni qiellin e kaltër
Vrajeni qiellin e kaltër
Vrajeni t’kaltrën
Vrajeni t’kaltrën

Stuhia e karkalecave
Bjen nji zhurmë e gumëzhitje
Jakobi me engjëllin u kacafyt
E engjëlli rá i mundun

Ju mbillni farën e dreqit
Ju rritni lulen e zjermit
Na i shohim tue i djegë kryqat
Shohim flakën, nalt e ma nalt

Vrajeni qiellin e kaltërt
Vrajeni qiellin e kaltërt
Vrajeni t’kaltrën
Vrajeni t’kaltrën

M’afrohet i veshun si zotni
Fytyra e tij âsht e kuqe si e karanfilit n’therrë
Si krejt ngjyrat n’poker
E verdhushkat tue i njehë tue i gjue
Njiqin, dyqin…

Po i shoh aeroplanat bombardues
Po i shoh aeroplanat bombardues
Përmi kasolle t’lloçit ku flejnë fëmija
Nëpër rrugicat e nji mahalle t’qetë t’qytetit
Ngjitna shkallve, për n’kat t’parë
Çelsin tue e rrotullue, derën kadaldal e çeli
Derisa nji burrë frymon n’saksofon
Rënkimi i qytetit muret i depërton

Jashtë âsht Amerika
Jashtë âsht Amerika
Amerika

Këqyr përtej fushës
Këqyr qiellin e shkyem
Këqyr shiun tue ra prej plagës t’çelun
Kah i sulmon gratë e fëmijtë
Qi po vrapojnë n’prehnin
E Amerikës