Voziti për 18 minuta me 100 km/h me të birin 4-vjeçar në kulm, australianes i konfiskohet patentë shoferi (Video)

Nëna e cila kishte vozitur me 100 kilometra në orë derisa në kulmin e veturës po qëndronte djali i saj katërvjeçar, ka mbetur pa patentë shofer të cilën ia konfiskuan autoritetet kompetente.

Shoferët  e shokuar ishin munduar ta sinjalizojnë me drita dhe sirena se në kulmin e veturës gjendej djali i saj, por Erica Shadfort kishte vazhduar të voziste edhe për 18 minuta, duke pretenduar se nuk e kishte ditur se të birin e kishte pasur në kulm, transmeton Telegrafi.

Një dëshmitar okular ka thënë se në një moment djaloshi për pak sa nuk ishte rrëzuar nga kulmi i veturës që lëvizte me shpejtësi të madhe. Megjithatë ajo pas shumë kilometrave kishte ndalur veturën për ta futur brenda të birin që qëndronte gjysmë i zhveshur. Ndërkaq brenda në veturë ishin edhe dy fëmijët e saj të tjerë.

Megjithatë ajo këto ditë është shfaqur në sallën e gjyqit në Perth të Australisë, dhe pretendonte se nuk e ka ditur se i biri ishte ngjitur në kulm derisa ajo po kthehej me veturë në shtëpi.

Në anën tjetër avokati i saj mbrojtës ka thënë se ajo prej kohësh ka qenë në stres, pasi kujdeset për gjashtë fëmijët të moshës nga pesë muaj deri në 10 vjet. Asaj i është marrë patentë shoferi për tre muaj, dhe do të detyrohet të paguaj dënimin prej 1,200 dollarëve australianë, që i bie afro 642 euro. /Telegrafi/

https://www.youtube.com/watch?v=Hou0ZcknP8I