Von der Leyen: Putini po e përdorë energjinë si armë lufte

Kryetarja e Komisionit Evropian, Ursula von der Leyen ka thënë se presidenti rus Vladimir Putin po e përdorë energjinë si armë lufte.

Von der Leyen më anë të një shkrimi në Twitter ka theksuar se vendet e Bashkimit Evropian shumë shpejtë do ta prezantojnë një plan emergjence.

“Putini vazhdon të përdorë energjinë si armë. 12 shtete anëtare janë prekur nga reduktimet e furnizimit me gaz. Ne kemi nevojë për koordinim në nivel të BE-së. KE-ja së shpejti do të prezantojë një plan emergjence. Ne do të punojmë për të mbrojtur tregun tonë të vetëm dhe zinxhirët e furnizimit industrial nga ndërprerjet”, theksoi Von der Leyen.

Putin continues to use energy as a weapon.

12 Member States are affected by gas supply reductions.
 
We need coordination at EU level: @EU_Commission will soon present a 🇪🇺 emergency plan.
 
We will work to protect our Single Market and industrial supply chains from disruptions. pic.twitter.com/stAz1Z4fOC

— Ursula von der Leyen (@vonderleyen) July 6, 2022

Për herë të parë në histori, BE-ja ka importuar më shumë gaz natyror të lëngshëm (LNG) nga Shtetet e Bashkuara sesa nëpërmjet tubacionit nga Rusia.

Sipas Agjencisë Ndërkombëtare të Energjisë (IEA), qershori është muaji i parë në histori që BE-ja importon më shumë gaz LNG se sa nga Rusia.

Britania e Madhe dhe BE-ja përjetuan një nivel rekord të lartë të importeve të LNG-së në muajin prill, pasi çmimet më të larta në Evropë në krahasim me Azinë tërhoqën furnitorët për të transportuar gazin në Evropë. /Telegrafi/