Vogue ka vendosur: Ky është fustani më i popullarizuar për verë

Vogue britanik ka vendosur – për fustanin më të popullarizuar të këtij sezoni veror ka zgjedhur modelin deri nën gju me nënshkrimin e shtëpisë daneze të modës Ganni

Fustanin mbresëlënës ngjyrë neoni të mjeshtrit danez të stilit energjik dhe jokonvencional, e kanë përshkruar në Vogue dhe kanë shtuar madje që gjashtë dama të cilat punojnë në revistën e famshme të modës e kanë këtë fustan, ndërkaq secila ka stilin specifik të veshjes, transmeton Telegrafi.

Fustani i sipërpërmendur punohet nga përzierja e pambukut dhe poliesterit, nuk zhubravitet dhe është jashtëzakonisht i këndshëm dhe i rehatshëm për bartje.

Gjoja do të duhej t’u rrijë mirë femrave të çfarëdo vije trupore apo peshe, falë materialit elastik dhe modelit të përshtatshëm.

View this post on Instagram

A post shared by Zawe Ashton (@zawe) on Jul 6, 2019 at 12:35pm PDT

– Për dikë, siç jam unë, që ka gjoks të madh dhe aspak dëshirë për të ekspozuar këmbët, ky është opsioni i dëshiruar, thotë Naomi Pike, redaktore e Miss Vogue.

Falë materialit nga i cili është punuar mund ta mbështjellësh dhe ta fusësh në çantë dhe pastaj në shpejtësi ta nxjerrës dhe menjëherë ta veshësh.

– E kam bartur në plazh me sandale dhe në mbrëmje me çantë diskoje.

Fustani lahet në rrobalarëse në 30 gradë dhe nuk duhet ta hekurosësh. /Telegrafi/

View this post on Instagram

A post shared by GANNI (@ganni) on Jul 28, 2019 at 2:40am PDT