Vizituan qytetin që gjatë 30 viteve të fundit vdekja ishte banori i vetëm, ajo çfarë bën i habiti të gjithë (Foto/Video)

Dy polakë kanë vendosur të rikthejnë jetën në qytetin Pripyat, në të cilin nuk jeton askush që nga katastrofa bërthamore e Çernobilit.

Kristian Mahnik dhe Adam Bojanovski janë futur në qytetin fantazmë, duke marrë me vete disa gjeneratorë me të cilin filluan të ndezin dritat në gjithë qytetin, transmeton Telegrafi.

“Nuk kemi dashur të realizojmë fotografi si të gjithë të tjerët të cilët kanë pasur guxim ta vizitojnë pas katastrofës. Gjithashtu, kemi dashur që në këtë qytet ta rikthejmë jetën”, kanë deklaruar këta dy djem.

Ata kishin marrë me vete disa gjeneratorë, por nuk ishin të sigurt nëse poqët i kanë mbijetuar katastrofës që kishte ndodhur në vitin 1986.

“Kemi ndezur gjeneratorët dhe e dinim se diçka do të ndodh, por nuk e kemi besuar se do të ndodh kjo”, ka deklaruar Mahnik duke shpjeguar se çfarë kishte ndodhur në momentin që e kishin ndezur ndërprerësin.

“Dritat filluan të ndizen për herë të parë pas 30 viteve”, ka shtuar polaku që ka vizituar qytetin Pripyat.

Ky veprim i kishte shtyrë ata që të vizitojnë gjithë qytetin dhe të ndezin çdo poqë. Menjëherë filluan të shndrisin reklamat, klasat e shkollave dhe një numër i apartamenteve dhe shtyllave elektrike. /Telegrafi/

https://www.youtube.com/watch?v=Ergx0vkIGm8