Viti 2017, vit i rikthimit të Rafael Nadalit në kreun e tenisit

Tenisi është një sport që mund të luhet individualisht kundër një kundërshtari të vetëm ose midis dy ekipeve që përbëhet nga dy lojtarë.

Një pjesë e historianëve besojnë se origjina e lashtë e lojës daton në shekullin e XII-të në Francën veriore, ku një top ishte goditur me pëllëmbën e dorës. Luigi X i Francës ishte një lojtar i zjarrtë i jeu de paume (“lojë e palmës”), i cili u zhvillua në tenis të vërtetë dhe u bë i njohur si personi i parë që ka ndërtuar fushën e tenisit modern.

Luigi X ishte i pakënaqur me ndeshjet në ambient të hapur dhe kështu ndërtoi fushën e rrethuar me mure në fund të shekullit XIII-të.

Gjatë këtyre shekujve deri në ditët e sotme botën e tenisit e kanë dominuar shumë lojtarë gjersa viteve të fundit u veçuan Novak Djokovic, Roger Federer, Rafael Nadal.

Ky i fundit ka arritur edhe një sukses të paparë deri më tani në botën e sportit të bardhë.

Spanjolli me triumfin gjatë muajit nëntor në Paris Masters është bërë tenisti më i vjetër që përfundon si i pari në renditjen botërore të tabelës ATP me 10645 pikë.

Nadal ka përfunduar vitin në vendin e parë në moshën 31-vjeçare dhe kjo do të jetë hera e katërt në karrierë që vitin e përmbyll si i pari.

Rafa këtë vit shkaku i lëndimeve e përmbyll me dy tituj të fituar atë të French Open dhe US Open ndërsa ka dështuar në finalet e madhe të turneut të parë sezonal, Australian Open.

I dyti në renditje është tenisti zviceran Roger Federer, i cili ka pasur një sezon të jashtëzakonshëm ani pse në moshën 36-vjeçare. Zvicerani e përmbyll vitin me 9605 pikë të fituara.

Federer përmbyll vitin duke fituar dy trofe të turneve prestigjioze. Tenisti ka fituar në turneun e Wimbledonit si dhe të Australian Open. Kjo ka bërë që ngritët në kreun e renditjes tabelore të ATP-së.

Grigor Dimitrov, tenisti bullgar nuk ka fituar asnjë turne prestigjioz. Por, është renditur në vendin e tretë në saje të triumfit në disa gara më të vogla si dhe arritja në çerek apo gjysmëfinale të turneve. Tenisti 26-vjeçar e përmbyll vitin me 5150 pikë.

Djokovic është një prej tenistëve që ka pësuar rënien më të madhe në karrierë. Tenisti serb vitin e përfundon si i 12-ti. /Telegrafi/